सोशल मीडिया ग्रुप कडून लोकसहभागातून मयताच्या वारसांना आर्थिक मदत

पारोळा.. येथील झिरो वायरमन दिनेश भामरे याचा महस्वे शिवारात काम करताना पोल वर शॉक लागून मृत्यू झाल्याची घटना दिनांक सहा रोजी रात्री ९ वाजता घडली होती.या बाबत कमी वयात मृत्यू झाल्याने तालुक्यात हळहळ व्यक्त होऊ न मद्दतीसाठी अनेकांनी सहकार्य दिले.यात प्रथम माजी पालकमंत्री डॉ सतीश पाटील यांनी मदत दिली तर शहरातील नामांकित सोशल मीडिया ग्रुप कडून लोकसहभागातून मयताच्या वारसांना आर्थिक मदत दिनांक ११ रोजी देण्यात आली.यावेळी माजी नगरसेवक अरुण चौधरी,विधी तज्ञ तुषार पाटील,पत्रकार अभय पाटील,दीपक अनुष्ठान,ईश्वर ठाकूर ,अन्नू महाजन,कैलास महाजन,नवल सोनवणे आदी उपस्थित होते.यावेळी त्यांच्या कुटुंबाशी चर्चा करताना सदर टीम ने विद्युत विभाग व ठेकेदारां कडून मदती बाबत पाठपुरावा करण्याचे आश्वासन दिले. मयत दिनेश भामरे यांच्या लहान मुलांना शाळे मध्ये पन्नास टक्के सूट देण्यात येणार असल्याचे टायगर स्कूल संचालक रवींद्र पाटील यांनी सांगितले.