व्यंकटेश विद्यालयात पालक शिक्षक मेळावा

शालेय उपक्रमा बाबत पालका कडून कौतुक
पारोळा—-

श्री व्यंकटेश माध्यमिक विद्यालय धरणगाव रोड पारोळा या शाळेत पालक शिक्षक मेळावा उत्साहात संपन्न झाला. या मेळाव्याचे अध्यक्ष पालक चिखलोड गावाचे माजी सरपंच गोकुळ पाटील होते. या मेळाव्याचे उद्घाटन सरस्वती,बालाजी महाराज, व छत्रपती शिवाजी महाराजांच्या प्रतिमांच्या पूजनाने झाली.उपस्थित पालकांचा मान्यवरांचा पुष्प गुच्छ देऊन सत्कार करण्यात आला.
यावेळी पालक ज्ञानेश्वर सुभाष पाटील नगाव, यांनी शाळेची गुणवत्ता व विविध उपक्रमांचे कौतुक केले. शालेय जीवनात विद्यार्थ्यांचा गुणवत्ता पूर्वक सर्वांगिण विकास साधला जावा अशी अपेक्षा व्यक्त केली.माता पालकांमधुन मनिषा रविंद्र कोळी व मिनाबाई रविंद्र माळी यांनी आपल्या मनोगतात सांगितले की शाळेचा शैक्षणिक दर्जा चांगला आहे. ग्रामीण भागातून येणाऱ्या विद्यार्थ्यांची विशेष काळजी घेऊन अभ्यास करून घेतला जातो.विशेष करून मुलींकडे वयक्तिक लक्ष ठेवले जाते असे सांगितले. शिक्षकांनी विविध विषयांवर मार्गदर्शन केले. योगेश पारधी यांनी गुणवत्ता वाढ व विकास यासाठी शाळेत अप्रगत विद्यार्थ्यांचा स्वतंत्र वर्ग करून त्यांना पायाभूत अभ्यासक्रम शिकविला जात असल्याची माहिती दिली.
उपशिक्षक सुनिल शमनाणी यांनी शाळेत आरोग्य विषयी विद्यार्थ्यांची विशेष काळजी घेतली जाते दरवर्षी शाळेत आरोग्य शिबीर तज्ञ वैद्यकीय अधिकारी वर्गा मार्फत घेतले जात असल्याची माहिती सांगितले. राहुल सूर्यवंशी यांनी शाळेत मिळत असलेल्या शासनाच्या विविध प्रकारच्या शिष्यवृत्त्या,तसेच नवोदय,आर्थिक दुर्बल घटक,५ वी व ८ वी साठी शिषयवृत्ती परीक्षा ,मार्च २४ माध्यमिक शालांत प्रमाणपत्र परिक्षेचा १०० टक्के निकाल याबद्दल माहिती सांगितली,उपशिक्षिका कविता पाटील यांनी मुलींचा मानसिक आरोग्य व किशोरवयीन मुलींना दर शनिवारी स्वतंत्र वर्ग घेऊन मुलींच्या समस्या जाणुन घेऊन मार्गदर्शन केले जाते असल्याची माहिती दिली. मुख्याध्यापक उध्दव पाटील यांनी विविध प्रकारच्या क्रीडा स्पर्धा व शालेय पोषण आहार या बद्दल माहिती दिली.
अध्यक्षीय भाषणात गोकुळ पाटील यांनी शाळेतील उपक्रमांचे कौतुक केले. विविध स्पर्धत विद्यार्थ्यांना सहभागी करून त्यांच्या कला गुणांना वाव द्यावा शिक्षणा सोबत आरोग्य ची काळजी घ्यावी अशी अपेक्षा व्यक्त केली.
कार्यक्रमाचे प्रास्ताविक सुनिता राठोड यांनी केले सुत्रसंचालन शुभांगी पाटील यांनी आभार योगेश पारधी यांनी मानलेत.
या सभेला साहेबराव पाटील चिखलोड, ज्ञानेश्वर सुभाष पाटील नगाव , भाऊसाहेब पाटील , दौलत पाटील ,राजेंद्र वंजारी ,परशुराम भिल ,मोतीराम अर्जुन माळी , ईश्वर राठोड , समाधान पाटील , रवींद्र पाटील , राकेश पाटील , वाल्मीक पाटील , रवींद्र माळी ,गुलाब माळी , धारासिग चव्हाण , माता पालक मधुन मनिषा कोळी , वर्षा पाटील , मिनाबाई रविंद्र माळी , सरला पाटील , कल्पना भोई आदी उपस्थित होते, कार्यक्रम यशस्वितेसाठी उध्दव पाटील, सुनिल शामनाणी, राहुल सुर्यवंशी, योगेश पारधी, शुभांगी पाटील, सुनिता राठोड, कविता पाटील, शुभम पाटील, रामदास दाभाडे, शरद देवरे, अतुल मराठे यांनी परिश्रम घेतले.
छाया–पारोळा येथे व्यंकटेश माध्यमिक विद्यालयात पालक शिक्षक सभेला मनोगत व्यक्त करताना पालक