नगरसेवक दिपक अनुष्ठाण यांचे स्तुत्य दातृत्व ।

जि प शाळेच्या गरीब विद्यार्थ्यांची दप्तराची इच्छा केली पुर्ण : आरोग्य शिबिर सह मिष्टान्न भोजनाचा लाभ

दि १६ , पारोळा
उजेडाचे दान देण्या
झोपडीत सुर्य यावा
कोवळ्या जीवांना
अक्षरांचा स्पर्श व्हावा
नको एकही हात
पाटीस पारखा
दप्तराशी परिचय
व्हावा आई सारखा
या उक्तीनुसार
आज जिल्हा परिषद शाळा क्र ३ पारोळा या ठिकाणी शाळेतील सर्वच विदयार्थ्यांना पारोळा शहराचे मा नगरसेवक तथा उप नगराध्यक्ष दिपक अनुष्ठाण यांच्या दातृत्वातून शाळेचे उपक्रमशिल मुख्याध्यापक मनवंतराव साळुंखे यांच्या विनंतीने छान व सुंदर असे दप्तर वाटपाचा उपक्रम पार पडला .
या कार्यक्रमाचे अध्यक्ष पारोळा केंद्राचे केंद्र प्रमुख प्रदिप राजपूत तर प्रमुख पाहुणे म्हणुन किशोर एकनाथ सोनवणे, सचिव उत्कर्ष जेष्ठ नागरिक संघ , प्रा विकास पाटील , योग शिक्षक , दिपकराव कोळपकर , न पा निवृत्त लिपिक , गणेश पाटील , सिव्हिल इंजिनिअर , अमोल पाटील हे उपस्थित होते .
अगोदर प्रा विकास पाटील यांनी विदयार्थ्यांना आरोग्याचे धडे दिले व बाल योगासन शिकविले .
या प्रसंगी दिपक अनुष्ठान यांनी गोर गरीब बालकांना दप्तर देतांना त्यांच्या चेहऱ्यावरील आनंद व समाधान बघुन मला लाख मोलाचा आनंद मिळाला . मला शक्य ती सेवा मी समाजाला देत असतो व यापुढेही देत राहील असे प्रतिपादन केले . यावेळी त्यांनी मुख्याध्यापक मनवंतराव साळुंखे यांच्या उपक्रमशिलतेचे कौतुक केले .
पारोळा सर्व विदयार्थ्यांना मिष्टान्न भोजनाचा लाभ देवुन त्यांचा आनंद द्विगुणीत केला .
यावेळी आपल्या अध्यक्षीय भाषणात केंद्र प्रमुख प्रदिप राजपूत यांनी जिल्हा परिषद शाळेतील गोरगरीब विदयार्थ्यांना सुंदर असे दप्तर भेट दिले . दिपक अनुष्ठान यांच्या सारखे आजुन दाते निर्माण व्हावेत व त्यांनी अशा बालकांना शैक्षणिक मदत देण्यासाठी पुढे यावे असे आवाहन केले .
स्वयंसेविका तरन्नुम सैय्यद यांनी सुत्रसंचलन तर उप शिक्षिका अर्चना सेवलिकर यांनी आभार मानले .