नितीन राजपूत महाराष्ट्र शेतकरी संघटनेच्या पारोळा सचिव पदी नियुक्ती

पारोळा सारवे येथील भुमीपुत्र व सतत सामाजिक क्षेत्रात कार्यरत नितीन राजपूत हे सामाजिक,शैक्षणिक, कृषी क्षेत्रातील योगदानाची दखल घेत महाराष्ट्र शेतकरी संघटनेचे संस्थापक व राष्ट्रीय अध्यक्ष तथा शेतकरी नेते सुनील देवरे यांनी महाराष्ट्र शेतकरी संघटनेच्या पारोळा तालुक्यासाठी सचिव पदी श्री राजपूत यांना आज नियुक्तीपत्रा व्दारे नियुक्ती केली.
शेतकऱ्यांना विविध प्रकारच्या अडचणी येत असतात व त्यांना न्याय देण्याचे कार्य नितीन राजपूत हे करत असतात. तालुक्यात महाराष्ट्र शेतकरी संघटनेला मजबूत करण्यासाठी व शेतकरी वर्गाला संघटनेच्या एका छताखाली एकत्र आणून संघटनेचे ध्येय धोरणे व विचार सर्वसामान्य शेतकरी,कष्टकरी, युवक- युवती, कामगार वर्गापर्यंत पोहचवून संघटना मजबूत करणे व मदत करणे अभिप्रेत असल्याचे नियुक्ती पत्राद्वारे सांगितले आहे
नियुक्तीपत्र महाराष्ट्र शेतकरी संघटनेच्या मुख्य कार्यालयात संघटनेचे संस्थापक तथा राष्ट्रीय अध्यक्ष व शेतकरी नेते सुनील देवरे यांच्या हस्ते देण्यात आले.
यावेळी तालुकाध्यक्ष डॉ विनोद चौधरी, तालुका कार्याध्यक्ष गुलाब पाटील,मृद व जलसंधारण समिती तालुकाध्यक्ष एस झेड पाटील,पारोळा युवती अध्यक्ष कुसुम बाविस्कर, मेहू चे शाखाध्यक्ष रावसाहेब पाटील,हणमंतखेडे च्या ग्रामपंचायत सदस्य प्रल्हाद पाटील, मेहू चे सल्लागार गणेश पाटील,महाळपुर शाखेचे सदस्य संजय पाटील, पियुष पाटील, अकबर शब्बीर अरब हे उपस्थित होते.