हरिनाम कीर्तन सप्ताहाची सांगता ‘गोविंद महाराज की जय’ या जयघोषात

कासोदा
येथील हरिनाम कीर्तन सप्ताहाची सांगता ‘गोविंद महाराज की जय’ या जयघोषात

कासोदा (सुरेश ठाकरे )आज दि. १८ सप्टेंबर २०२४ रोजी करण्यात आली. सदर कार्यक्रमाची सुरुवात सकाळी ६ वा. काकड आरती करुन करण्यात आली तर सकाळी ११ महाप्रसादाचे आयोजन करण्यात आले होते. संध्याकाळी ६ वा. येथील महादेव मंदिरापासून पालखी मिरवणूक सोहळ्यास सुरुवात करण्यात आली तर गावातील जुने पोष्ट ऑफिस, गढी वार्ड, मारोती मंदिर गल्ली मार्गावरून पालखी मिरवणूक काढण्यात आली. सदर मिरवणूकीत ढोल ताश्यांच्या गजरात लेझीम पथक व भजनी मंडळ सहभागी झाले. तर संध्याकाळी ४ वाजता मुलींनी फेटे बांधून श्रीराम मंदिरापासून ते महादेव मंदिरापर्यंत डीजेच्या तालावर लेझीम खेळत सर्वांचे लक्ष वेधून घेतले. हरिनाम कीर्तन सप्ताहाच्या मिरवणूकीत कोणत्याही प्रकारचा अनुचित प्रकार घडू नये यासाठी पोलीस प्रशासनाकडून सहाय्यक पोलीस निरीक्षक निलेश राजपूत यांच्या मार्गदर्शनात पोलीस उपनिरीक्षक अमोल गुंजाळ, समाधान तोंडे, नितीन सुर्यवंशी यांच्यासह १३ अधिकारी व स्थानिक पोलीस व होमगार्ड कर्मचाऱ्यांसह १९० कर्मचाऱ्यांनी चोख पोलीस बंदोबस्त तैनात करण्यात आला होता.
यांची उपस्थिती…
हरिनाम कीर्तन सप्ताहाच्या काकड आरतीला दरवर्षीप्रमाणेच जिल्ह्याचे पालकमंत्री गुलाबराव पाटील यांच्यासह जिल्हा बँकेचे उपाध्यक्ष अमोल पाटील, सामाजिक कार्यकर्ते भगवान महाजन, आ. चिमणराव पाटील, शिवसेना उ.बा.ठा. गटाचे जिल्हाप्रमुख हर्षल माने, जि. प. चे माजी सदस्य नाना महाजन यांच्यासह अन्य मान्यवरांनी उपस्थिती दिली.
मुस्लिम पंच मंडळाकडून स्वागत…
सद्गुरु गोविंद महाराज पालखीचे आगमन मशिदीजवळ झाल्यावर मुस्लिम पंच मंडळाकडून पालखीचे श्रीफळ देवून स्वागत करण्यात आले.