सारवे येथील वेल्डिंग दुकानातून पंचावन्न हजाराचे साहित्य चोरी.

पारोळा तालुक्यातील सारवे येथील वेल्डिंगच्या दुकानातून मध्यरात्रीच्या सुमारास दुकान फोडून कोणीतरी अज्ञात चोट्याने दुकानातील ५५ हजार रुपयांचे वेल्डिंगचे साहित्य लंपास केल्याची घटना घडली आहे तालुक्यातील सारवे येथे दिनांक १५ रोजी भूषण रवींद्र पाटील यांच्या मालकीचे असलेले वेल्डिंग चे दुकान त्यांनी नेहमीप्रमाणे बंद करून घरी गेले असता मध्यरात्रीच्या सुमारास कोणीतरी अज्ञात चोट्याने बंद दुकानाचा कडी कोंडा तोडून शटर तोडून दुकानात असलेले ड्रिल मशीन, वेल्डिंग मशीन व इतर वेल्डिंग कामाचे साहित्य असे सुमारे 55 हजार रुपयांचा ऐवज लंपास करत पसार झाले याबाबत सकाळी दुकानाचे कडी कोंडा तुटून शटर उचकलेले अवस्थेत असल्याचे गावकऱ्यांच्या निदर्शनास आले याबाबत घटनास्थळी पोलिसांनी भेट देत पंचनामा केला व अज्ञात चोरट्याविरुद्ध पारोळा पोलिसात गुन्हा दाखल करण्यात आलेला आहे