फरकांडे ग्रुप ग्रामपंचायत च्या सरपंच पदी उ.भा. ठा. शिवसेनेच्या मालुबाई पाटील बिनविरोध

फरकांडे तालुका एरंडोल :- (सुरेश ठाकरे) ‌येथील ग्रुप ग्रामपंचायत च्या सरपंच पदाच्या निवडणुकीत नाट्यमय घडामोडीनंतर अखेर उद्धव बाळासाहेब ठाकरे शिवसेना गटाच्या मालुबाई रामराव पाटील यांची बिनविरोध निवड करण्यात आली आहे. गेल्या साडेतीन वर्षांपूर्वी फरकांडे ग्रा. प.ची निवडणूक होऊन नऊ पैकी सहा जागा जिंकून सौ निर्मलाबाई सुभाष पाटील यांची सरपंच पदी निवड करण्यात आली होती. त्यांनी वेळेत पदाचा राजीनामा न दिल्याने त्यांच्यावर सात विरुद्ध एक मताने अविश्वास ठराव पारित झाला होता. मात्र त्यांनी जिल्हाधिकारी व संभाजीनगर न्यायालयात अपील दाखल केल्याने प्रकरण न्याय प्रविष्ट होते.वर्षभरापासून उपसरपंचांकडे सरपंच पदाचा पदभार होता. न्यायालयातही विश्वास प्रकरणाचे अपील फेटाळले गेल्याने काल ६ ऑगस्ट रोजी सरपंच पदाची निवड जाहीर करण्यात आली होती. सत्ताधारी गटातील सौ वैजंताबाई सुभाष पाटील व कमलबाई रामू गढरी या सरपंच पदासाठी इच्छुक होत्या . मात्र रात्रीतून नाट्यमय घडामोडी होऊन अविश्वास दाखल करणाऱ्या सत्ताधारी गटातील ग्रा. प.सदस्य सौ.कविता संजय पाटील या विरोधी गटात सहभागी झाल्याने उ. बा. ठा. गटाचे उपजिल्हा समन्वयक माजी सरपंच सुरेश पाटील यांच्या भावजई मालुबाई पाटील यांच्याकडे नऊपैकी पाच सदस्यांचा पाठिंबा मिळाल्याने व सरपंच पदासाठी एकमेव नामांकन आल्याने त्यांची सरपंच पदी बिनविरोध निवड घोषित करण्यात आली . यावेळी उपसरपंच शरद पाठक,ग्रा. प. सदस्य कविता पाटील,कमलबाई गढरी,निर्मलाबाई पाटील, करण बेहेरे,अनिल मोरे सह सात सदस्य हजर होते. तर सौ वैजयन्ता पाटील व रवींद्र पाटील गैरहजर राहिले. निवडणूक अधिकारी म्हणून व्ही. एस.साळुंखे, तर सहायक म्हणून ग्रामसेवक सुभाष देवराज तलाठी बालाजी लोंढे, पोलीस पाटील अमृत देशमुख यांनी सहकार्य केले. यावेळी कासोदा पोलीस स्टेशनचे एपीआय निलेश राजपूत व किशोर पाटील यांच्या मार्गदर्शनाखाली निवड प्रक्रिया शांततेत पार पडावी म्हणून कुणाल देवरे यांनी विशेष सहकार्य केले. जिल्हा शिवसेनाप्रमुख हर्षल माने यांच्या हस्ते सत्कार ————————————- मालुबाई पाटील यांची सरपंच पदी निवड झाल्यानंतर उद्धव बाळासाहेब ठाकरे गटाचे जिल्हाप्रमुख हर्षल माने यांनी प्रत्यक्ष येऊन नवनिर्वाचित सरपंचांचा सत्कार करून शुभेच्छा दिल्या. यावेळी शिवसेनेचे जिल्हा चिटणीस सुरेश पाटील विभागप्रमुख दिलीप चौधरी शाखाप्रमुख अभिनव पाटील,विजय लोहार, विकास सोसायटी चेअरमन जिजाबराव गढरी माजी चेअरमन राजेंद्र पाटील मराठा महासंघाचे जिल्हाध्यक्ष दिलीप पाटील दिलासा केंद्राध्यक्ष साहेबराव पाटील, शांताराम पाटील, गजानन पाटील,राकेश पाटील आदी मान्यवर मोठ्या संख्येने उपस्थित होते.