जिल्हा परिषद शाळा सांगवी येथे स्वातंत्र्य दिनी शालेय दप्तर वाटप

पारोळा तालुक्यातील सांगवी या गावी 78 वा स्वातंत्र्याचा ध्वजारोहण समारंभ मोठ्या दिमाखात साजरा झाला शाळेचे ध्वजारोहण शालेय व्यवस्थापन समितीचे अध्यक्ष संजय भीमराव पाटील यांच्या हस्ते करण्यात आले . विशेष बाब अशी गावातील तरुण होतकरू शिक्षणप्रेमी सामाजिक कार्यकर्ते,दानशूर व्यक्तिमत्त्व ज्ञानेश्वर शिवाजी रामोशी यांनी शाळेतील 127 विद्यार्थ्यांना उच्च प्रतीचे शालेय दप्तर आपली मुलगी चि.सम्रांज्ञी ज्ञानेश्वर रामोशी इच्या जन्मदिवसाच्या निमित्त विद्यार्थ्यांना मान्यवरांच्या हस्ते वाटप करण्यात आले .गावातील सरपंच प्रतिभा वाल्मीक पाटील,उपसरपंच आनंद रवींद्र पाटील, माजी सरपंच नथाबापू महारू पाटील ,गुलाब भिका पाटील ,रवींद्र चुडामन पाटील,सुनील रामोशी लोकनियुक्त सरपंच सवखेडा तुर्क ,,प्रवीण प्रताप पाटील सांगवी ,समस्त गावकऱ्यांनी व शाळेने शिवाजी भिका रामोशी व त्यांच्या परिवाराचे शाल श्रीफळ देऊन हार्दिक अभिनंदन आणि सत्कार करून कौतुक केले . विद्यार्थ्यांनी देशभक्तीपर समूहगीत व भाषणे करून लोकांची मने जिंकली .शाळेचे उपशिक्षक सुनील भिवा जाधव यांनी स्काऊट गाईड परेड ग्राऊंडवर मान्यवरांना सलामी देत ध्वजारोहण करताना मैदान दणाणून गेले . गावातील ग्रामस्थ व महिला मोठ्या संख्येने उपस्थित होते .गावातील दहावीची विद्यार्थिनी निकिता लोटण पाटीलने 90 टक्के गुण मिळून गावाचे व शाळेचे नाव मोठे केल्याने गावाने तिला सांगवी ग्रामपंचायतीचे ध्वजारोहण करण्याचा मान तिला देऊन बेटी बचाव,बेटी पढाव हा संदेश देऊन तिचा सत्कार केला . गावातील माजी सरपंच रामकृष्ण रंगराव पाटील यांनी मनोगत व्यक्त केले .ध्वजारोहण प्रसंगी शाळेचे उपशिक्षक राजेंद्र बाबुराव पाटील,कैलास मोरे,सुनील जाधव ,मुख्याध्यापक विजय भामरे,अंगणवाडी सेविका , आशा सेविका ,ग्रामसेवक ,बचत गट प्रमुख ,ग्रामपंचायत शिपाई ,पालक मोठ्या संख्येने उपस्थित होते . वंदे मातरम् गीताने कार्यक्रमाची सांगता झाली .