बोहरा सेंट्रर स्कूल पारोळा येथे 78 वा स्वातंत्र्यदिन महोत्सव उत्साहात साजरा

पारोळा येथील लोकमान्य टिळक शिक्षण संस्था संचालित, पारोळा शहरातील एकमेव सी.बी.एस.ई. बोहरा सेंट्रल स्कूल येथे *78 वा स्वातंत्र्य दिन* उत्साहात साजरा करण्यात आला. स.8.00 वा. शाळेच्या क्रीडांगणात, कार्यक्रमाचे प्रमुख पाहुणे, शाळेचे एसएमसी मेंबर श्री. भगवान गंभीर पाटील यांच्या हस्ते ध्वजारोहण करण्यात आले. प्रसंगी संस्थेचे चेअरमन सुरेंद्रजी बोहरा, डायरेक्टर डॉ. सोनम बोहरा, शाळेचे प्राचार्य सौ.शोभा सोनी मॅडम, ऍडमिनिस्ट्रेटर वीरेंद्र सखा सर, शाळेचे एस.एम.सी व पी.टी.ए मेंबर , डॉ. दिपाली शेंडे, एडवोकेट कृतिका आफ्रे, डॉ.योगेंद्र पवार, डॉ. सुवर्णा पवार, आदी मान्यवर उपस्थित होते. वर्ग नववी व दहावीच्या विद्यार्थ्यांनी अत्यंत शिस्तबद्ध परेड सादर करून राष्ट्रध्वजाला व उपस्थित मान्यवरांना सलामी दिली. विद्यार्थ्यांनी देशभक्तीपर गीते, नृत्य सादर केली. सर्व विद्यार्थ्यांनी उस्फुर्त सहभाग नोंदवून स्वातंत्र्य दिनाचा हा महोत्सव मोठ्या उत्साहात व जोशात साजरा केला. शाळेचे लेझीम पथक बँड पथकाने आपल्या प्रदर्शनाने सर्वांना मंत्रमुग्ध केले. देशभक्तीपर नाटिके द्वारे विद्यार्थी भारत माता, महात्मा गांधी, व स्वातंत्र्यवीरांच्या भूमिकेत व वेशभूषेत आपली राष्ट्रीय एकात्मता व धर्मनिरपेक्षता याचा संदेश आपल्या नाटकातून दिला, विद्यार्थिनींनी आपल्या गाण्याच्या माध्यमातून देशभक्ती दर्शविली, गायन पथकाच्या सरावासाठी संगीत शिक्षिका नेहा वैद्य मॅडम व लेझीम पथक, बँड पथक व नृत्य प्रदर्शन यासाठी शाळेचे क्रीडाशिक्षक सत्यनारायण पवार, दिनेश सोनीस,संतोष कुमार यांचे मार्गदर्शन व सहकार्य लाभले.शाळेच्या प्राचार्या शोभा सोनी मॅडम, संस्थेचे चेअरमन सुरेंद्रजी बोहरा सर व उपस्थित मान्यवरांनी सर्व विद्यार्थ्यांना, उपस्थित पालकांना स्वातंत्र्य दिनाच्या शुभेच्छा दिल्या.प्रसंगी सर्व शिक्षक व शिक्षकेतर कर्मचारी वृंद उपस्थित होते.