पारोळ्यात राष्ट्रवादी काँग्रेस महिला आघाडीतर्फे रक्षाबंधन साजरा .

अजित दादा यांना लाडकी बहीण योजनेच्या आभारासाठी पाठविल्या ३०० राख्या

पारोळा शहर व ग्रामीण भागातील महिला-भगिनी यांनी राष्ट्रवादी काँग्रेसचे नेते आरोग्यनायक डॉ. संभाजीराजे आर.पाटील यांच्या कार्यालयावर येवुन डॉ संभाजीराजे पाटील याचे औक्षण करत राखी बांधून रक्षाबंधन हा सण साजरा केला.
रक्षाबंधन हा सण भावा-बहिणीच्या नात्यातील प्रेम, विश्वास आणि आपुलकीचा समजला जातो. या दिवशी बहिण आपल्याला लाडक्या भावाला राखी बांधते. त्याच्या प्रगती आणि दीर्घायुष्यासाठी देवाकडे प्रार्थना करत असते, तसेच आलेल्या सर्व बहीणींनी डॉ.संभाजीराजे पाटील यांच्याकडे आपले मत देखिल मत व्यक्त केले, डॉ.संभाजीराजे पाटील हे आरोग्यसेवेच्या माध्यमातून सर्व बहीणींना देवरुपात भेटले आहेत,
बहीणींना तसेच प्रत्येक कुटुंबाला अर्ध्यारात्री आरोग्यसेवा देणारा भावासोबत रक्षाबंधन हा सण साजरा करण्याचा योग जुळून आला,हे खरंच आमचं भाग्य आहे आणि जन्मोजन्मी मिळावा आणि आमच्या भावाचे सर्व इच्छा आकांक्षा पूर्ण होवोत असा आशिर्वाद सर्व बहीणींनी दिला.

सगळीकडे रक्षाबंधन हा उत्सव आनंदात साजरा होत आहे परंतु आपल्या सर्वांचे रक्षण करणारे कायदा व सुव्यवस्था राखण्यासाठी कटीबद्ध असणारे पोलीस आपल्या कुटुंबापासून दुर असतात शेकडो किलोमीटर अंतरावर असणाऱ्या बहिणींच्या रक्षाबंधना सारख्या अनोख्या सणाला आपल्या भाऊ व बहिणीला आठवण करत असतात, यांमुळे राष्ट्रवादी काँग्रेसच्या महिला पदाधिकारी व सदस्य यांनी आपल्या पोलीस भावांना राखी बांधत त्यांच्या जीवनात आजच्या दिवशी असलेल्या बहिणीच्या प्रेमाची जागा भरून काढली.
तसेच परीश्रम निवासी गतिमंद मुला-मुलींची शाळा येथे देखील सर्व महिलाभगिनींनी रक्षाबंधनाचा आनंददायी क्षण साजरा केला.

यावेळी डॉ.क्रांती संभाजीराजे पाटील , महिला तालुकाध्यक्षा सौ. मिनाक्षी एस भोसले, शहर अध्यक्षा सौ.लिना राठोड,ग्रामीण अध्यक्षा सौ.योगिता शिंदे, सौ.सपना कोळी सौ.गौतमी पवार, व सर्व पदाधिकारी व महिला उपस्थित होते.

---

उपमुख्यमंत्री मा.अजित दादांनी माझी लाडकी बहीण ही योजना सुरू केली, आणि ह्या योजनेचा लाभ देखील लाडक्या बहिणींना मिळत आहे, यांमुळे पारोळा राष्ट्रवादी काँग्रेस पक्षाच्या वतीने सर्व बहीणींनी अजितदादांना पोस्टाने ३००राख्या पाठविण्याचा उपक्रम राबविला तसेच दादाचे आभार देखिल व्यक्त केले.

चौकट
माझ्या सर्व लाडक्या बहिणींनी आज तुम्ही ज्या विश्वासाने माझ्या हातावर राखी बांधली, तुमच्या प्रत्येक कठीण प्रसंगात मी खंबीरपणे उभा राहिला अशी ग्वाही देत, आशीर्वाद घेतले.
डॉ. संभाजीराजे आर पाटील