स्वाभिमानीचा’ राज्यस्तरीय आदर्श शिक्षक पुरस्कार प्रताप विद्या मंदिराच्या पंकज शिंदे यांना जाहीर

‘

चोपडा येथे महाराष्ट्र शासन मान्यता प्राप्त स्वाभिमानी शिक्षक व कर्मचारी महासंघ,महाराष्ट्र राज्य आणि मंत्रालय समन्वय समिती, मुंबई यांच्या वतीने देण्यात येणारा राज्यस्तरीय आदर्श शिक्षक पुरस्कार यंदा चोपडा येथील प्रताप विद्या मंदिराचे उपक्रमशील शिक्षक पंकज प्रतापराव शिंदे यांना जाहीर झाला आहे. त्याबाबतचे निवड पत्र त्यांना महासंघाचे अध्यक्ष बापूसाहेब अडसूळ (सोलापूर) यांच्याकडून प्राप्त झाले आहे. लवकरच सिंहगड इंजिनिअरिंग कॉलेज,सोलापूर या ठिकाणी भव्य कार्यक्रमात या पुरस्काराचे वितरण करण्यात येणार आहे. 

         नियमित शालेय अध्यापनासोबतच शिक्षण क्षेत्रातील विविध उपक्रम, शैक्षणिक स्पर्धा,विविध प्रशिक्षणे,शैक्षणिक व्याख्याने यातील नियमित सहभाग आणि भरीव कार्य तसेच दुर्गसंवर्धन, सातपुड्यातील निसर्ग संवर्धन, रक्तदान यासारख्या सामाजिक उपक्रमांमध्ये सहभागाबद्दल त्यांच्या कार्याची दखल घेत महासंघाच्या वतीने या पुरस्कारासाठी त्यांची निवड करण्यात आली आहे.

            त्यांच्या या यशाबद्दल महासंघाचे अध्यक्ष बापूसाहेब अडसूळ, कनिष्ठ महाविद्यालयीन इतिहास परिषदेचे राज्य कार्याध्यक्ष प्रा सुनील शिंदे, तसेच  चोपडा एज्युकेशन सोसायटीचे अध्यक्ष शैलाबेन मयूर, उपाध्यक्ष विश्वनाथ अग्रवाल, चेअरमन राजाभाई मयूर, सचिव माधुरीताई मयूर, कार्यकारणी सदस्य चंद्रहासभाई गुजराथी ,भूपेंद्रभाई गुजराथी,सर्व मान्यवर संचालक तसेच शाळेचे मुख्याध्यापक पी एस गुजराथी ,उपमुख्याध्यापक पी डी पाटील, पर्यवेक्षक एस एस पाटील, एम डब्ल्यू पाटील, ए एन भट, उपप्राचार्य जे एस शेलार, समन्वयक गोविंदभाई गुजराथी ,उल्हासभाई गुजराथी ,डी टी महाजन तसेच सर्व शिक्षक शिक्षकेतर कर्मचारी बंधू भगिनींनी आणि चोपडा परिसरातील मित्र मंडळींनी पंकज शिंदे यांचे अभिनंदन केले.