B24NEWS LIVE TV CHANNEL, The first and leading Marathi news web portal and TV News channel of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
• Email:b24news@yahoo.com
कासोदा. तालुका एरंडोल.( सुरेश ठाकरे)येथील महादेव मंदिरात दरवर्षाप्रमाणे सर्व भक्तांना ज्ञानामृताचा प्रसाद देणारा सत्तर वर्षाची अखंड परंपरा असलेला 71 वा अखंड हरिनाम कीर्तन सप्ताहास स्थापना करण्यात आली.कासोद्याच्या पावनपुण्यभूमीत श्री. प.पू.सद्गुरु गोविंद महाराज व श्री. संत माहुजी महाराज यांच्या आशीर्वादाने कीर्तन सप्ताह भाद्रपद शुद्ध, अष्टमीला सकाळी ३ ते ६ वाजे पर्यंत भटजी गणेश जोशी व प्रमोद पंक्ती यांनी शास्त्रोक्त पद्धतीने महापूजा अभिषेक करुन नंदू शिंदे ,सागर वाणी, चेतन चौधरी, एकनाथ ठाकरे, संदीप मराठे ,उपाध्यक्ष अशोक घोडके यांच्या शुभहस्ते सहपत्नी पूजा करून अखंड हरिनाम किर्तन सप्ताहाची स्थापना करण्यात आली. .यात महाराष्ट्रातील नामवंत कीर्तनकारांचा समावेश असून त्यांच्या श्रवणाचा लाभ घेण्याचे आवाहन हरिनाम सप्ताह पंचमंडळ ,भजनी मंडळ, ग्रामस्थ कासोदा यांनी केला आहे
भाद्रपद शुद्ध अष्टमी दिनांक 11 बुधवारपासून या सप्ताह प्रारंभ होत असून ,पहिल्या दिवशी भागवताचार्य श्री. ह .भ .प .किशोर महाराज ,कासोदा,दिनांक 12 गुरुवार रोजी हिंदभूषण श्री. ह .भ .प .एकनाथ महाराज सदगीर ठाणे ,दिनांक 13 रोजी संगीत विशारद श्री ह .भ. प. नितीन महाराज मलकापूर, दिनांक 14 रोजी हास्य सम्राट श्री ह भ प सुधाकर महाराज पैठणकर ,दिनांक 15 रोजी कीर्तन विशारद ज्ञानेश्वर महाराज बोगीर नांदगाव ,दिनांक 16 रोजी समाज प्रबोधनकार श्री ह भ प विश्वनाथ महाराज वाडेकर ,दिनांक 17 रोजी प्रेम मूर्ती श्री ह भ प विश्वनाथ महाराज कोल्हे चिखलहोळ यांचे किर्तन होणार असून दिनांक 18 रोजी सकाळी श्री ह भ प विश्वनाथ महाराज कोल्हे यांचे काल्याचे किर्तन होणार आहे .
यासोबत दररोज सकाळी पाच ते सहा काकड आरती ,सायंकाळी सहा ते सात हरिपाठ, सायंकाळी सात ते आठ हनुमान चालीसा व दररोज रात्री 9 ते 11 कीर्तनाचा कार्यक्रम होईल. दिनांक 18 रोजी बुधवारी सकाळी सहा वाजता हजारो भाविकांच्या उपस्थितीत महाकाकड आरती होईल. त्यानंतर सकाळी काल्याचे किर्तन होईल व सकाळी 11 वाजेपासून महाप्रसादाचा कार्यक्रम सुरू होईल. सायंकाळी सहा वाजता सर्व गावातून पालखी मिरवणूक होते .
या कार्यक्रमास पंचक्रोशीतील सर्व भक्त गण सहकार्य करतात ,त्यासोबत कासोदा ग्रामपंचायत ,बालाजी ऑइल मिल एरंडोल ,महालक्ष्मी सॉ मिल कासोदा ,जय बाबाजी भक्त परिवार कासोदा ,व्यापारी असोसिएशन कासोदा व सर्व भक्तगणांचे सहकार्य असेल .या कार्यक्रमाचा लाभ घेण्याचे आवाहन हरिनाम सप्ताह पंच कमिटीचे अध्यक्ष सुदाम (सोनू) शेलार ,उपाध्यक्ष वाल्मीक ठाकरे ,उपाध्यक्ष अशोक घोडके, सचिव संतोष चौधरी ,सचिव रवींद्र मोरे ,खजिनदार गोपाल पांडे व ग्रामस्थांनी केले आहे. सर्व कार्यक्रमास कासोदा पोलीस स्टेशन कडून सपोनी श्री निलेश राजपूत यांच्या मार्गदर्शनात बंदोबस्त देण्यात येणार आहे.