पारोळा नरेंद्राचार्यजी महाराज संस्थानातर्फे उपक्रम ; रविवारी होणार लोकार्पण

पारोळ्यात अपघातग्रस्तांसाठी मोफत रुग्णवाहिका सेवा

श्री नरेंद्राचार्यजी महाराज संस्थानातर्फे उपक्रम ; रविवारी होणार लोकार्पण

पारोळा – विश्वभर हिंदु धर्मासाठी जनजागृती करणारे अनंत श्री विभूषित जगद्गुरु रामानंदाचार्य श्री स्वामी नरेंद्राचार्यजी महाराज (नाणीज,रत्नागिरी) यांचा कृपाशीर्वादाने,त्यांचा संस्थानातर्फे पारोळा शहर व तालुक्यात अपघात ग्रस्तांसाठी मोफत रुग्णवाहिका सेवा उपलब्ध झाली आहे तिचा लोकार्पण सोहळा उद्या दि ३१ डिसेंबर रोजी रविवारी सकाळी ११ वाजता बस स्थानक परिसरात विविध मान्यवरांचा उपस्थितीत संपन्न होणार आहे.

जगद्गुरू श्री स्वामी नरेंद्राचार्यजी महाराज यांचा कृपाशीर्वादाने त्यांचा संस्थानातर्फे शहरासह तालुक्यात महामार्ग व रस्त्यांवर होणाऱ्या अपघातग्रस्तांसाठी विनामूल्य २४ तास मोफत रुग्णवाहिका सेवा देण्यात आली आहे.अपघातग्रस्तांना तात्काळ मदत मिळून वेळेवर उपचाराने जीवदान मिळावे या उद्देशातून जगद्गुरु नरेंद्राचार्य महाराज संस्थानातर्फे राज्यभर रुग्णवाहिका सेवा उपक्रम राबविण्यात येत आहे.दरम्यान, संस्थाना मार्फत राज्यात गेल्या तेरा वर्षापासून महामार्गावरील अपघात ग्रस्तांसाठी ५२ रुग्णवाहिका ह्या २४ तास मोफत अविरत सेवा देत आहेत,त्याच अनुषंगाने पारोळ्यात ही सदर रुग्णवाहिका सेवा उपक्रम हा राबविण्यात येत असुन उद्या दि ३१ डिसेंबर रोजी रविवारी सकाळी ११ वाजता बस स्थानक परिसरात सदर रुग्णवाहिकेचा लोकार्पण सोहळा विविध मान्यवरांच्या प्रमुख उपस्थितीत संपन्न होणार आहे.या लोकार्पण सोहळ्यात जास्तीत जास्त संख्येने नागरिकांनी उपस्थित राहावे असे आवाहन जगद्गुरु नरेंद्राचार्य महाराज जिल्हा व तालुका सेवासमिती तर्फे करण्यात आले आहे.