स्वामी विवेकानंद माध्यमिक विद्यालयात वार्षिक स्नेहसंमेलन २०२३-२०२४ सांस्कृतिक महोत्सव रंगतरंग साजरा !

स्वामी विवेकानंद माध्यमिक विद्यालयात वार्षिक स्नेहसंमेलन २०२३-२०२४ सांस्कृतिक महोत्सव रंगतरंग साजरा !

पारोळा,–तालुक्यातील मोंढाळे प्र. अ. येथील स्वामी विवेकानंद माध्यमिक विद्यालयात विद्यार्थी व विद्यार्थीनींच्या सुप्त कलागुणांना वाव देण्यासाठी वार्षिक स्नेहसंमेलनाचे आयोजन संस्थेचे अध्यक्ष व विद्यालयाच्यावतीने करण्यात आले होते, या कार्यक्रमाचे उद्‌घाटन गटशिक्षणाधिकारी विश्वास हरी पाटील तसेच प्रमुख पाहूणे सी. एम.चौधरी यांच्या हस्ते करण्यात आले. यावेळी संस्थेचे चेअरमन व कार्यक्रमाचे अध्यक्ष चतुर अण्णा पाटील, सचिव पी.ए.पाटील,संचालक मंडळ,म.जु .पे.संघटना दिपक गिरासे,जेष्ठ पत्रकार बाळासाहेब पाटील, शिक्षक सेनेचे तालुकाध्यक्ष योगेश देवरे , योगेश पाटील यांच्या हस्ते दिप प्रज्वलन करून सरस्वती व नटराज प्रतीमेचे पूजन करण्यात आले. विविध समाजोपयोगी कार्यकरणारे मोंढाळे गावातील मान्यवरांचा शाल-श्रीफळ देऊन संस्थेच्या वतीने सत्कार सन्मान करण्यात आला, तसेच महाराष्ट्र टिचर्स असोसिएशन पुरस्कार प्राप्त सौ.वनमाला बाळासाहेब पवार यांचाही सत्कार गटशिक्षणाधिकारी व संस्थेच्या वतीने करण्यात आला.
माध्यमिक विद्यालय मोंढाळे – दळलेल या विदयालयातील विदयार्थ्यांनी देशभक्तीपर गीते,लोकगीते बालविवाह,बेटी बचाव – बेटी पढाव वर आधारलेली नाटिका, रिमिक्स साँग, मला नऊवारी साडी पाहिजे, बंजारा गीत,आदी गीते सादर करून कलागुण दाखविण्याचा उत्कृष्ठ प्रयत्न केला व प्रेक्षकांची मने जिंकली.आठच दिवसाच्या कालावधीत प्रथमच हा रंगतरंग स्नेहसंमेलनाचे उत्कृष्ट रित्या नियोजन केल्याचे सर्वत्र कौतुक होत आहे,
कार्यक्रमाच्या यशस्वीतेसाठी शाळेच्या सांस्कृतिक समितीतर्फे विद्यालयातील भूषण रवंदळे,सुरज देवरे,कांतीलाल भदाणे, विशाल राजपूत, सौ.पल्लवी शिंदे यांनी परिश्रम घेतले,जेष्ठ कलाशिक्षक दिलीप बडगुजर व श्रीमती वनमाला पवार यांनी कार्यक्रमाच्या यशस्वीतेसाठी योग्य मार्गदर्शन व मुख्याध्यापक एस. ए. देसले यांनी व शिक्षकेतर कर्मचारींनी नियोजन केले. कार्यक्रमाचे सूत्रसंचालन एस.पी.पाटील व एस. ए. देवरे, स्वागत एस. ए. देसले व आभार प्रदर्शन व्ही. टी. राजपुत यांनी केले परिसरातील पालक,ग्रामस्थ व माजी विद्यार्थ्याच्या गर्दीत रंगतरंग स्नेहसंमेलन उत्साहात व आनंदमय वातावरणात पार पडले .