आचार्य विद्यासागर जी महाराज वर्तमान काळातील ईश्वरीय अवतार

आचार्य विद्यासागर जी महाराज वर्तमान काळातील ईश्वरीय अवतार

पारोळा आचार्य विद्यासागरजी महाराज हे वर्तमान काळातील ईश्वरीय अवतार होते त्यांचे समाधिस्त होण्याने अध्यत्मिक,धार्मिक व सामाजिक जगताची मोठी हानी झाली असून त्यांची पोकळी भरून काढणे अशक्य आहे.आचार्य विद्यासागरजी महाराजांसारखे संत हजारो वर्षातच कधीतरी अवतार घेतात.आचार्य विद्यासागर जी महाराज अध्यात्मिक जगताचा सर्वोच्च पातळीवर पोहोचले होते,त्यांचे दर्शनाने अद्भुत सकारात्मक ऊर्जा प्राप्त होत असे.आचार्य विद्यासागर जी महाराज केवळ जैन संत नव्हते तर ते जन संत होते,त्यांनी धर्मासोबतच देश,राष्ट्र व जीवदया तसेच शिक्षण क्षेत्रातही मोठे कार्य केले. अश्या अनेकविध भावनांचा माध्यमातून सकल जैन समाज,पारोळा यांचे वतीने आयोजित आचार्य भगवंत विद्यासागरजी महाराजांचे विनयांजली सभेत उपस्थित विविध मान्यवर व समाजबांधवांनी भावपूर्ण वातावरणात विनयांजली वाहताना आचार्यश्रींचा महान व्यक्तीत्वाचे वर्णन केले.याप्रसंगी उपस्थित आचार्यश्रींचे शिष्य बाल ब्रम्हचारी विपुल भैय्या,ब्रम्हचारीणि काजल दीदी,.अजितशेट जैन, माजी नगराध्यक्ष सुरेंद्र बोहरा ,माजी नगराध्यक्ष श्री.चंद्रकांत पाटील, आर. एस.एस.चे मुकेश चोरडिया व अनेक समाज बांधव यांनी आचार्य श्री विषयी मनोगत व्यक्त केले.विनयांजली सभा शहरातील पार्श्वनाथ मंदिराजवळील चौकात आयोजित करण्यात आली होती.संपूर्ण कार्यक्रमाचे नियोजन जैन युवक मंडळातर्फे करण्यात आले होते.युवा कार्यकर्ते अक्षय जैन, प्रितेश जैन,सागर जैन,सिद्धेश जैन,तेजकुमार जैन,अतुल जैन,धवल जैन,निखिल जैन डॉ.ईशान जैन व सहकाऱ्यांनी परिश्रम घेतले.