गारपीटग्रस्त शेत पिकांची आमदार चिमणराव पाटील यांनी केली पाहणी विद्युत पुरवठा तातडीने सुरू करण्याची केली सूचना

गारपीटग्रस्त शेत पिकांची आमदार चिमणराव पाटील यांनी केली पाहणी विद्युत पुरवठा तातडीने सुरू करण्याची केली सूचना

पारोळा तालुक्यात 26 फेब्रुवारी च्या रात्री झालेल्या अवकाळी गारपिटीमुळे शेतकऱ्यांचे प्रचंड नुकसान झाले आहे. या नुकसानीचे आमदार चिमणराव पाटील यांनी पाहणी करून त्यांच्या व्यथा जाणून घेत संबंधित अधिकाऱ्यांना सूचना केल्या आहेत. तालुक्यात जवळपास ४० गावा मधून 7200 शेतकऱ्यांचे शेत पिंकांचे प्रचंड नुकसान झाले आहे. लिंबू आकाराच्या गारपिटीमुळे या भागातील शेत पिके जमीनदोस्त झाले आहेत. या नुकसानीचे आमदार पाटील यांनी मुंबई येथून परत येताच काल तारीख ३ मार्च रोजी मोंढळे प्र अ, शेवगे तांडा, शेवगे बहाळ या गावांमध्ये जाऊन पाहणी करून शेतकऱ्यांचा व्यथा व वेदना समजून घेतल्या . नुकसानग्रस्त शेतकऱ्यांनी काळजीपूर्वक सर्व आप आपले पंचनामे करून घेण्याच्या सूचना करून नुकसानग्रस्त शेतकऱ्यांना नुकसान भरपाई मिळवुन देण्यासाठी शासनासकडे पाठपुरावा करून जास्तीतजास्त मदत मिळवून देऊ असे आश्वासन यावेळी दिले. तसेच मोंढळे प्र अ शिवारात विद्युत पोल तुटून पडले आहेत. त्यामुळे पाणी पुरवठा योजना बंद आहेत. तसेच शेवगे शिवारात देखील पोल पडले आहेत. या दोन्ही ठिकणांचे इलेक्ट्रिक पोल तातडीने उभारून विद्युत पुरवठा सुरळीत करा अशी सूचना आमदार पाटील यांनी विद्युत विभागाचे उपकार्यकारी अभियंता सहारे यांना केल्या आहेत. दरम्यान यावेळी शेतकऱ्यांचे कंठ दाटून आले होते. प्रसंगी डॉ दिनकर पाटील,प्रवीण बिरारी, पत्रकार विश्वास चौधरी सह परिसरातील अनेक शेतकरी हे उपस्थित होते.