येथील लाडशाखीय वाणी समाज संस्कृती महिला मंडळातर्फे महिलांचा जागर कार्यक्रम उत्साहात संपन्न

पारोळा ) येथील लाडशाखीय वाणी समाज संस्कृती महिला मंडळातर्फे महिला दिनानिमित्त विविध सामाजिक, धार्मिक, सांस्कृतिक, कार्यक्रमा बरोबरच नारी शक्तीचा जागर प्रबोधन समाज मंगल कार्यालयात उत्साहपूर्ण वातावरणात पार पडला. या कार्यक्रमाला व्यासपीठावर अध्यक्षस्थानी सटाणा येथील साहित्यिक, निवेदिका व समाजसेविक योगिता शिरोरे , महिला मंडळ अध्यक्षा प्रा. वर्षा पुरकर, उपाध्यक्षा रुणल कोतकर यांच्या उपस्थितीत दीप प्रज्वलन करण्यात आले. दिपिका शेंडे व उषा शेंडे यांनी ईशस्तवन व शोभा बधान व त्यांची कन्या यांनी नृत्यासह गणेश वंदना सादर केली. या कार्यक्रमांचे खास आकर्षण म्हणजे आपल्या कष्टमय जीवनातून संसाराची धुरा संभाळीत प्रगती करणाऱ्या विजयाताई टिपरे व कानबाई माता, बारसे, डोहाळे अशा विविध कार्यक्रमांत स्वकर्तृत्वावर गिते सादर करणाऱ्या गाईका साधना वाणी या दोघांना महिला मंडळाच्या वतीने ‘उंच माझा झोका’ हा पुरस्कार देऊन सन्मानित करण्यात आले. यावेळी सांकृतिक कार्यक्रमांत रेखा कोठावदे, वंदना शेंडे, सुरेखा बागड, रुपाली शिरोळे, अंकिता शिरोळे , निता नावरकर, संध्या भामरे यांच्या नेतृत्वात खंडेराय, बानो, गणपती, नारद यासारख्या भूमिका करून उत्कृष्ट पणे गीत नृत्य, नाटीका, गरबा सादर केले . आजच्या धर्तीवर मोठ्या प्रमाणात संसाराची धुरा सासु सुन म्हणजेच या सर्व पात्रातून जाणारी हि महिलांच असते आणि त्यांनीच जर सुनेने सासुला व सासुने सुनेला तसेच आईच्या ही भुमिकेला तेवढेच महत्व असून स्त्रीनेच स्त्रीला साभाळून घेतले तर संसार सुरळीत चालती असा संवाद शैला कोठावदे व शोभा बधान यांनी सादर केले कार्यक्रमांचे सुत्र संचालन प्रस्तावना नीता नावरकर, रुपाली शिरोळे यांनी केले व यशस्वीतेसाठी सचिव वर्षा कोठावदे, अर्चना मैंद, विद्या येवले, सुनिता भामरे, माधुरी अमृतकर, शितल टिपरे, योगिता येवले, वृषाली मालपुरे, वंदना शेंडे, ज्योती शिनकर, हेमलता चांदवडे यांनी परिश्रम घेतले तर प्रमुख अतिथी उपस्थितांचे आभार सुनंदा शेंडे यांनी मानलेत