टायगर इंटरनॅशनल स्कूल येथे गुढीपाडव्यानिमित्त विद्यार्थ्यांसोबत उभारली गुढी

पारोळा, टायगर इंटरनॅशनल स्कूल येथे गुढीपाडव्यानिमित्त विद्यार्थ्यांसोबत गुढी उभारण्यात आली. सर्वप्रथम सर्व विद्यार्थ्यांना गुढी पाडवा चे महत्त्व सांगून गुढी चे पूजन करण्यात आले. त्या त्यानंतर विद्यार्थ्यांना गुढीपाडव्या च्या शुभेच्छा देऊन गुढीपाडवा विषयी माहिती दिली.
गुढीपाडवा हा एक भारतीय सण असून तो हिंदू दिनदर्शिकेप्रमाणे चैत्र शुद्ध प्रतिपदेला महाराष्ट्रात साजरा केला जातो. शालिवाहन संवत्सराचा हा पहिला दिवस आहे. ग्रंथात सांगितले आहे की,  साडेतीन मुहूर्तांपैकी हा एक मुहूर्त आहे. या दिवशी नवीन वस्तू खरेदी, व्यवसाय प्रारंभ, नव उपक्रमांचा प्रारंभ, सुवर्ण खरेदी इत्यादी गोष्टी केल्या जातात. दारी उभारलेली गुढी हे विजय आणि समृद्धीचे प्रतीक आहे असे मानले जाते. गुढी पाडव्यापासूनच राम जन्मोत्सवाच्या कार्यक्रमाचासुद्धा प्रारंभ होतो.
गुढीपाडव्याच्या दिवशी कडुलिंबाचा पाला खाल्ला तर उष्णता कमी होते असे वैज्ञानिक महत्त्व देखील विद्यार्थ्यांना सांगण्यात आले.
त्यानंतर विद्यार्थ्यांनी लेझीम व नृत्य सादर, सुंदर असे रांगोळी चे रेखाटन करून आनंदात उत्सव पार पडला. यावेळी टायगर इंटरनॅशनल स्कूलचे अध्यक्ष रवींद्र पाटील संचालिका रूपाली पाटील प्राचार्य अजीम शेख उपप्राचार्य कविता सूर्यवंशी तसेच सर्व, व्यवस्थापक मंगेश पवार, श्रीकांत खैरनार आणि सर्व शिक्षिका वृंद , कर्मचारी यांनी कार्यक्रमाच्या यशस्वीतेसाठी परिश्रम घेतले.