यु.एच करोडपती यांच्या अमृतमहोत्सवी अभिष्टचिंतन सोहळ्यानिमित्त

पारोळा:श्री बालाजी विद्या प्रबोधिनी मंडळाचे संस्थापक अध्यक्ष उमेश हिरालाल करोडपती यांच्या 75 व्या वाढदिवसानिमित्त अभिष्टचिंतन सोहळा सप्तर्षी मंगल कार्यालय येथे विविध मान्यवरांच्या उपस्थितीत संपन्न झाला. उत्सवमूर्ती यु.एच करोडपतींच्या कार्यक्रमासाठी आमदार चिमणराव पाटील, जळगाव जिल्ह्याचे मा. पालकमंत्री सतीश पाटील , मा. खासदार ए.टी पाटील,सुधाकरभाऊ बडगुजर, करण पवार, चंद्रकांत पाटील, डॉ. हर्षल माने,सुरेंद्रभाऊ बोहरा, गोविंदआबा शिरोळे, डॉ. संभाजी पाटील,अ.भा. बडगुजर समाज अध्यक्ष सुरेश महाले,आदी मान्यवर उपस्थित होते. कार्यक्रमाचे प्रास्ताविक संस्थेचे सचिव डॉ. सचिन बडगुजर यांनी केले व नंतर सत्कारमूर्ती उमेश करोडपती यांचे अभिष्टचिंतन करण्यात करण्यात आले. प्रतीकात्मक वस्त्रदान म्हणून गरजू महिलांना साडी भेट देण्यात आली.’उमेशपर्व’ पुस्तकाचे मान्यवरांच्या हस्ते प्रकाशन करण्यात आले. आप्पांच्या जीवनप्रवासावर आधारित जीवनपट ‘उमेशोत्सव’ चित्रफितीच्या माध्यमातून दाखवण्यात आला. आप्पांचे सुपुत्र डॉ. सचिन बडगुजर, निलेश बडगुजर, डॉ. चेतन बडगुजर, संकेत बडगुजर यांनी भावना व्यक्त केल्यात. तसेच गेल्या वर्षभर चाललेल्या उमेशोत्सव कार्यक्रमाच्या माध्यमातून शाडूच्या मातीचे गणपती बनवणे, चित्रकला स्पर्धा, मॅरेथॉन स्पर्धा, तालुकास्तरीय क्रीडा स्पर्धा, वाद विवाद स्पर्धा, वकृत्व स्पर्धा, आधी स्पर्धांची सांगता करण्यात आली. उत्साह,त्याग,परिश्रम, मेहनत,जिद्द,चिकाटी याचा मूर्तिमंत झरा म्हणजे आमचे आप्पा असे असे गोॆरोवोद्गार मा. पालकमंत्री डॉ. सतीश पाटील यांनी काढले. शिस्त व हाडाचा शिक्षक असलेल्या आप्पांचे तारुण्य कमी न होता दिवसेंदिवस वाढत राहो अशा शुभेच्छा माजी खासदार ए. टी पाटील यांनी दिल्या. चोपड्याचे मा. विधानसभा अध्यक्ष अरुणभाई गुजराती यांनी देखील व्हिडिओ द्वारे शुभेच्छा दिल्यात. सुधाकर भाऊ बडगुजर, डॉ. दीपक पाटील, कुंदन पाटील यांच्या व्यतिरिक्त समाजातील विविध मान्यवरांनी मनोगत व्यक्त केले.अमृतमहोत्सवी अभिष्टचिंतन सोहळ्यानिमित्त असंख्य आप्तेष्ट, मित्र व सहकाऱ्यांनी शुभेच्छांचा वर्षाव केला.कार्यक्रमाचे सूत्रसंचालन शुभदा नेवे यांनी केले. बालाजी शैक्षणिक संकुलातील सर्व शिक्षक व शिक्षकेतर कर्मचारी यांनी देखील आप्पांना दीर्घायुषी व्हावे अशी प्रार्थना केली. सत्कारमूर्ती यु. एच. करोडपती यांच्या मनोगताने कार्यक्रमाची सांगता करण्यात आली.