मुले पकडणारी टोळी मारहाण प्रकरणी संशयित आरोपींना जामीन मंजूर.

लोणी येथे सायंकाळच्या सुमारास लहान मुले पकडून त्यांचे अपहरण करणारी संशयित टोळी मधील तरुणांना मारहाण करण्याची घटना लोणी येथे घडली. संबंधित घटनास्थळी परिसरातील इतर गावातील तरुण देखील उपस्थित होते, कासोदा मालखेडा धुळपिंप्री या मार्गाने आलेली स्विफ्ट डिजायर गाडी मधील तरुणांना त्यांच्या गाडीत लहान मुलांची चप्पल वैगरे साहित्य पाहून त्यांनी मुलांचे अपरहण केले बाबत शंका आल्याने जमावाने त्यांना मारहाण केली. सदर प्रकरणी पारोळा पोलीस स्टेशन येथे फिर्याद दाखल होऊन संशयित म्हणून परिसरातील काही तरुणांना अटक करण्यात आली होती. आरोपींना अटक करून दि.२९/१२/२०२३ रोजी पारोळा न्यायालयात हजर केले असता धुळपिंप्री व लोणी गावातील संशयित 12आरोपींच्या वतीने अ‍ॅड. सतिशराजे पाटील यांनी प्रभावी युक्तिवाद केला आरोपींची बाजू ऐकून घेतल्यानंतर पारोळा येथील न्यायाधीश मा.एम.एस. काझी साहेब यांच्या न्यायालयाने प्रस्तुतच्या आरोपींना जामीन मंजूर केला. या कामी अ‍ॅड. सतिशराजे पाटील यांच्या सह त्यांचे सहकारी अ‍ॅड. विक्रम पवार यांनीही काम पाहिले.