इच्छापूर्ती मारुती मंदिरात गुरुवारी प्राणप्रतिष्ठा सोहळा

इच्छापूर्ती मारुती मंदिरात गुरुवारी प्राणप्रतिष्ठा सोहळा

पारोळा : दि. २८ रोजी मूर्तीची मिरवणूक, शोभायात्रा, मूर्तीपूजन, गृहयज्ञ, होमहवन हे विधी करण्यात आले. सकाळी नऊ वाजेपासून राम चैतन्य बापू आश्रमापासून मिरवणुकीची संवाद्य सुरुवात करण्यात आली. येथून मिरवणूक काढून वंजारी गावापर्यंत वाजत गाजत महिलांनी पुरुषांनी या मिरवणुकीत एकच ठेका धरला होता जल्लोषात व उत्साहात आजची शोभायात्रा काढण्यात आली होती यात महाराणा प्रताप नगरसह परिसरातील भाविक भक्तांनी मोठ्या संख्येने सहभाग नोंदविला होता.वंजारी खुर्द येथील पुरातन इच्छापूर्ती मारुती मंदिराचा जीर्णोद्धार करण्यात आला असून, या मंदिरात महाबली हनुमानाच्या नवीन मूर्तीची प्राणप्रतिष्ठापना दि. २९ रोजी करण्यात येणार आहे.दि. २८ रोजी मूर्तीची मिरवणूक, शोभायात्रा, मूर्तीपूजन, गृहयज्ञ, होमहवन हे विधी करण्यात आले आहेत. दि. २९ रोजी मूर्तीची प्राणप्रतिष्ठा व कलश पूजन हे तरवाडे येथील समर्पण व गोशाळेचे महंत ह. भ. प. रविदास महाराज यांच्या हस्ते होणार आहे. रात्री त्यांचे जाहीर कीर्तन आयोजित करण्यात आले आहे. मूर्ती प्राणप्रतिष्ठेनंतर दुपारी महाप्रसाद आयोजित केला आहे. या सोहळ्याचा लाभ पंचक्रोशीतील भाविकांनी घ्यावा, असे आवाहन महाराणा प्रतापनगर, वंजारी खुर्द येथील ग्रामस्थांनी केले आहे.