सोशल मीडिया मुळे दान पेटी चोरास तात्काळ अटक.

पारोळा सोशल मीडिया मुळे अनेक गोष्टी तात्काळ साध्य होत असतात.याचेच एक उदाहरण पारोळा शहरात दिसून आले गुजराथी गल्ली भागातील सार्वजनिक गणपती मंदिरात दिनांक १७ रोजी दुपारी एका सोळा वर्षीय तरुणाने मंदिरात प्रवेश करून दर्शनाच्या बहाण्याने गाभाऱ्यातील दान पेटी चोरी केली परंतु तो मंदिर परिसरातील सी सी टी वी मध्ये क्याच झाला होता.दरम्यान मंदिराचे विश्वस्त पंकज गुजराथी,मिलिंद नावरक र नीरज गुजराथी राहुल नांदेडकर आदींनी सदर फुटेज चेक करून ते एका चर्चित वॉट्स अप ग्रुप ला टाकले .या बाबत आरोपीचा चेहरा पाठीमागे असलेली बॅग वेश भूषा ही स्पष्ट दिसत असल्याने दिनांक १८ रोजी सदर आरोपी हा किसान महाविद्यालय परिसरात फिरत असताना ws ग्रुप चे सदस्य प्रा डॉ प्रदीप अहुजेकर यांनी त्यास ओळखले या बाबत त्यांनी पंकज गुजराथी व पत्रकार अभय पाटील यांना सदर बाब सांगितली असतां त्यांनी त्याचा पिच्छा करत त्यास नवनाथ मंदिर येथे पकडुन पोलिसांच्या ताब्यात दिले.सदर आरोपी चे नाव ..आकाश संतोष पाटील वय १६ असून तो चोपडा तालुक्यातील मंगरूळ येथील असल्याचे समजले या बाबत त्याने या पूर्वी अनेक चोऱ्या केल्याचे कबूल केले असून पोलिस पुढील तपास करत आहे.