बोहरा सेंट्रल स्कूल पारोळा येथे 1मे महाराष्ट्र दिन व कामगार दिन उत्साहात साजरा.

बोहरा सेंट्रल स्कूल पारोळा येथे 1मे महाराष्ट्र दिन व कामगार दिन उत्साहात साजरा.

पारोळा तालुक्यातील एकमेव सीबीएसई शाळेत महाराष्ट्र दिन तसेच कामगार दिन साजरा करण्यात आला. प्रसंगी संस्थेचे चेअरमन श्री सुरेंद्रजी बोहरा, डायरेक्टर श्वेता बोहरा मॅडम, प्रिन्सिपल शोभा सोनी मॅडम, ऍडमिनिस्ट्रेटर विरेंद्र सखा सर तसेच शाळेतील सर्व शिक्षक वृंद इत्यादी मान्यवरांच्या उपस्थितीत सरस्वती पूजन करून श्री. सुरेंद्रजी बोहरा यांच्या हस्ते ध्वजारोहण करण्यात आले. ध्वजारोहणानंतर सांस्कृतिक कार्यक्रम आयोजित केले होते यात वर्ग आठवी व नववीच्या विद्यार्थ्यांनी महाराष्ट्र गीत गाऊन व नृत्य सादर करून आपल्या महाराष्ट्राची सांस्कृतिक ओळख करून दिली व आपल्या नृत्यातून संपूर्ण महाराष्ट्र संस्कृतीचे दर्शन घडविले. या वैशिष्ट्यपूर्ण नृत्याची कोरिओग्राफी विनोद सर यांनी केले व नृत्यातील विशेष सहभाग म्हणून आई जिजाऊ व शिवाजी महाराजांच्या भूमिकेत शाळेतील शिक्षिका अविता पाटील मॅडम व शिक्षक आकाश डोळसकर यांनी यांनी परफॉर्मन्स दिले. याचबरोबर विद्यार्थ्यांनी कामगार दिनानिमित्त कामगारांचे परिश्रम व त्यांचे हक्क नृत्य रूपात सादर करून कामगारांना मानवंदना दिली.कामगार दिनानिमित्त शाळेचे प्रिन्सिपल शोभा सोनी मॅडम व चेअरमन श्री सुरेंद्रजी बोहरा यांनी शाळेतील शिक्षकेतर कर्मचारी कामगार वाहन चालक, हेल्पर, स्वीपर, शिपाई, महिला कामगार मावशी, जे शाळेत कर्तव्य निष्ठतेने मागील बऱ्याच वर्षापासून काम करत आहेत अशा कर्मचाऱ्यांना सन्मानित करण्यात आले व त्यांना पुष्पगुच्छ देऊन भेटवस्तू देण्यात आली. व सर्वांना कामगार दिनाच्या शुभेच्छा दिल्या. शाळा प्रशासनातर्फे सर्वांना कामगार दिनाच्या व महाराष्ट्र दिनाच्या शुभेच्छा देण्यात आल्या.