जलसेवेतुन आईच्या स्मृतींना उजाळा, मराठे परिवाराची सामाजिक बांधिलकी..

पारोळा (प्रतिनिधी) :- ता.19 रोजी गेल्या दहा वर्षापासून रहदारीच्या परिसरात मराठे परिवार आईंच्या स्मृती प्रित्यर्थ मोफत पाणपोई सुरू करून सामाजिक बांधिलकी जोपासत आहेत. या उपक्रमाचे स्थानिक व्यापाऱ्यांनी कौतुक केले आहे. येथील मराठे परिवारातर्फे अनेकदा कै डॉक्टर आशाताई मराठे फाउंडेशनच्या माध्यमातून विविध उपक्रम राबविले जातात. दिवंगत मातोश्री डॉक्टर आशाबाई मराठे यांच्या स्मृतींना उजाळा देत शहरातील तलाव गल्ली परिसरात राणी लक्ष्मीबाई प्रवेशद्वाराजवळ भूपेंद्र मराठे व भावना मराठे यांच्या हस्ते बापू मराठे यांच्या संकल्पनेतून मोफत जलसेवा पाणपोईचे उद्घाटन छत्रपती शिवाजी महाराजांच्या जयंती निमित्ताने करण्यात आले.ग्रामीण भागासह शहरातील नागरिकांची तहान भागवली जावी. या भावनेतून सदर पाणपोई सुरू करण्यात आली असल्याची भावना मराठे परिवार यांनी व्यक्त केली आहे.यावेळी परिसरातील दिलीप शिरूडकर, मुन्ना परदेशी, भगवान गाडीवान व व्यापारी उपस्थित होते. सदर पाणपोई ही रहदारीच्या मार्गाने असल्यामुळे दररोज शेकडो नागरिक या जलसेवेचा लाभ घेतात. भुकेलेल्या अन्न व तहानलेल्या पाणी या म्हणीप्रमाणे मराठे परिवार जल सेवेच्या माध्यमातून परोपकारी भावना जोपासत असुन त्यांच्या या उपक्रमाचे कौतुक होत आहे. उन्हाची तीव्रता पाहता शहरालगत ठिकठिकाणी जलसेवा सुरू झाल्या तर निश्चितपणे गरजूंना याचा लाभ होईल अशी अपेक्षा यावेळी अनेकांनी व्यक्त केली.यावेळी आशा परिवाराचे अध्यक्ष भूपेंद्र मराठे, बापू मराठे, भुजंगराव मराठे, धनंजय मराठे, शशांक मराठे यांनी सहकार्य केले. छाया -पारोळा – मोफत जलसेवेच्या उद्घाटन प्रसंगी भुपेंद्र मराठे, भावना मराठे, बापू मराठे, मनीषा मराठे, दिलीप शिरूडकर, मुन्ना परदेशी